Бос мемлекеттік әкімшілік лауазымға орналасуға жалпы конкурс туралы хабарландыру

 
Барлық  конкурсқа  қатысушыларға  арналған  ортақ  біліктілік  талаптар                          Д-О-2 санаты үшін
Санаты
Еңбек  сiңiрген  жылдарына  байланысты
 
min
max
Д-О-2
163233
220698
 
Қазақстан  Республикасы Шығыс Қазақстан облысы бойынша Денсаулық сақтау басқармасы, 070018, Өскемен қаласы, Гоголь көшесі 36, анықтама телефоны 8 (7232) 52-32-33 е-mаіl: densaulyk@akimvo.gov.kz  «Б» корпусына  бос  мемлекеттік  әкімшілік лауазымына орналасуға жалпы  конкурс жариялайды:
  1. Басқарма  басшысының  ана мен бала денсаулығын  қорғау  жөніндегі орынбасары  Д-О-2 санаты бойынша (1 бірлік).
          Функционалдық міндеттері: Денсаулық сақтау жүйесінің перзентхана қызметі және балаларды емдеу мекемелеріне, аумақтық денсаулық сақтау органдарының өзара әрекеттестікте болу мәселелеріне жалпы басшылық ету, Білім басқармасымен әрекеттестікте болу. Тұрғындар денсаулығын сақтау және салауатты өмір салтын қалыптастыру мәселелерінде бірыңғай мемлекеттік саясатты жүзеге асыру. Аналар мен балаларға сапалы медициналық көмек көрсетілуіне бақылау жасау. Ана мен баланың денсаулық жағдайы бойынша көрсеткіштерді талдау. Ана мен бала денсаулығын сақтаудың  басымдық  бағыттары бойынша мақсатты кешенді бағдарламалар әзірлеу, мемлекеттік бағдарламалардың орындалуын ұйымдастыру және бақылау жасау. Дәрі-дәрмектерге қажеттілікті анықтауға және оларды оңтайлы пайдалануға бақылау жасау. Облыстың емдеу-алдын алу ұйымдарына ұйымдастырушылық және әдістемелік көмек көрсету жөніндегі жұмысты ұйымдастыру.
          Алқаларға ана мен балаға медициналық қызмет көрсету жөніндегі материалдарды дайындау, конкурстық комиссияның отырысына қатысу, әйелдер мен балаларға емдеу-алдын алу көмегін көрсететін жеке меншік емдеу мекемелерінің қызметіне бақылау жасау. Шағымдарды, өтініштерді талдауға, бақылау құжаттарының орындалуына бақылау жасау.
Конкурсқа қатысушыларға қойылатын талаптар: Жоғары   білім (денсаулық  сақтау және әлеуметтік қамтамасыз ету (медицина) саласындағы мамандықтар бойынша (медицина, қоғамдық денсаулық сақтау, дәрігерлік емдеу ісі).  Мынадай біліктілік қасиеттерінің болуы: бастамашылдық, адамдармен тіл табысу,стратегиялық ойлау, көсбасшылық, аналитикалық, ұйымдастырушылық, әдептілік, сапаға бағдарлану, тұтынушыға бағдарлану, сыбайлас жемқорлыққа төзбеушілік.
Жұмыс тәжірибесі келесі талаптардың біріне сәйкес болуы тиіс:
1) мемлекеттік қызмет өтілі үш жылдан кем емес, оның ішінде мемлекеттік органның штат кестесінде көзделген келесі төменгі санаттағы лауазымдарда немесе                 А-3, B-3, C-3, C-O-4, C-R-1, D-4, D-O-3, Е-2, E-R-1 санаттарынан төмен емес лауазымдарда немесе «А» корпусының мемлекеттік әкімшілік лауазымдарында немесе саяси мемлекеттік лауазымдарда мемлекеттік қызмет өтілі бір жылдан кем емес;
       2) осы санаттағы нақты лауазымның функционалдық бағыттарына сәйкес салаларда төрт жылдан кем емес, оның ішінде мемлекеттік органның штат кестесінде көзделген келесі төменгі санаттағы лауазымдарда немесе А-3, B-3, C-3, C-O-4, C-R-1, D-4, D-O-3,             Е-2, E-R-1 санаттарынан төмен емес лауазымдарда немесе «А» корпусының мемлекеттік әкімшілік лауазымдарында немесе саяси мемлекеттік лауазымдарда мемлекеттік қызмет өтілі бір жылдан кем емес;
      3) А-3, B-3, C-3, C-O-4, C-R-1, D-4, D-O-3, Е-2, E-R-1 санаттарынан төмен емес мемлекеттік әкімшілік лауазымдарда немесе «А» корпусының мемлекеттік әкімшілік лауазымдарында немесе саяси мемлекеттік лауазымдарда немесе Қазақстан Республикасы Парламентінің депутаты мәртебесінде немесе тұрақты негізде қызмет ететін облыс, республикалық маңызы бар қала, астана мәслихатының депутаты мәртебесінде немесе халықаралық қызметкер мәртебесінде қызмет өтілі үш жылдан кем емес;
      4) мемлекеттік қызмет өтілі төрт жылдан кем емес, оның ішінде орталық немесе облыстық деңгейдегі құқық қорғау органдарының орта басшы құрамынан немесе арнайы мемлекеттік органдардың кіші офицерлер құрамынан төмен емес немесе әскери атағында кіші офицерлер құрамынан төмен емес Қарулы Күштер әскери басқару органдарының тактикалық деңгейдегі, жергілікті әскери басқару органдарының немесе әскери оқу орындарының лауазымдарында екі жылдан кем емес;
      5) жоғары оқу орындарынан кейінгі білім бағдарламалары бойынша Қазақстан Республикасы Президентінің жанындағы білім беру ұйымдарында мемлекеттік тапсырыс негізінде немесе шетелдің жоғары оқу орындарында Республикалық комиссия бекітетін басым мамандықтар бойынша оқуды аяқтаған немесе ғылыми дәрежесі болған жағдайда мемлекеттік қызмет өтілі мемлекеттік органның штат кестесінде көзделген келесі төменгі санаттағы лауазымдарда немесе А-3, B-3, C-3, C-O-4, C-R-1, D-4, D-O-3, Е-2, E-R-1 санаттарынан төмен емес лауазымдарда немесе «А» корпусының мемлекеттік әкімшілік лауазымдарында немесе саяси мемлекеттік лауазымдарда бір жылдан кем емес;
      6) осы санаттағы нақты лауазымның функционалдық бағыттарына сәйкес салаларда жұмыс өтілі төрт жылдан кем емес, оның ішінде басшылық лауазымдарда бір жылдан кем емес.*
2.                     Емдеу-алдын алу  жұмыстары  және  лицензиялау  бөлімінің басшысы Д-О-3 санаты бойынша (1 бірлік).
Санаты
Еңбек  сiңiрген  жылдарына  байланысты
 
min
max
Д-О-3
109932
149242
            Функционалдық міндеттері: Қазақстан Республикасының денсаулық сақтау саласын дамытудың 2016-2020 жылдарға арналған  «Денсаулық» мемлекеттік бағдарламасын іске асыру жөніндегі жұмысты ұйымдастыру, үйлестіру. Облыс тұрғындарына емдеу-алдын алу көмегін көрсетуді ұйымдастыру. Азаматтардың хаттары мен өтініштерін қарау. Облыстың денсаулық сақтау органдары мен ұйымдарын тұрғындарға емдеу-алдын алу көмегін көрсету мәселелері бойынша үйлестіру; тұрғындарға емдеу-алдын алу көмегін көрсету мәселелері бойынша жұмыс кеңестерін дайындау және өткізу. Облыстың денсаулық сақтау ісінің даму келешегін жоспарлауға және бағдарламаларын әзірлеуге қатысу және оларды іске асыру. Қазақстан Республикасы Президентінің нормативтік актілерін, Қазақстан Республикасы Үкіметінің қаулыларын, облыс әкімінің шешімдері мен өкімдерін, облыстық әкімдіктің қаулыларын, Қазақстан Республикасы денсаулық сақтау министрлігінің бұйрықтарын, алқа қаулыларын, хаттарын орындау жөніндегі ақпараттарды дайындауға және уақытында тапсыруға қатысу, бақылауды жүзеге асыру. Қазақстан Республикасы денсаулық сақтау министрлігінің және облыстық әкімдіктің алқаларына, кеңестеріне, отырыстарына материалдар дайындау. Емдеу-алдын алу көмегін ұйымдастыру мәселелері бойынша ақпараттық хаттарды (материалдарды) әзірлеуді ұйымдастыру және қатысу. Бөлімге келіп түскен шешімдердің, өкімдердің, құжаттардың, хаттардың, өтініштердің мерзімі бойынша  уақытында орындалуына бақылау жасау. Басқа ведомстволардың сұранымдары бойынша ақпарат дайындауды және уақытында тапсыруды жүзеге асыру.
Конкурсқа қатысушыларға қойылатын талаптар: Денсаулық сақтау және әлеуметтік қамтамасыз ету (медицина) саласындағы мамандықтар бойынша  (медицина, қоғамдық денсаулық сақтау, дәрігерлік емдеу ісі) жоғары білім. Мынадай біліктілік қасиеттерінің болуы: бастамашылдық, адамдармен тіл табысу, аналитикалық, ұйымдастырушылық, әдептілік, сапаға бағдарлану, тұтынушыға бағдарлану, сыбайлас жемқорлыққа төзбеушілік.
      Жұмыс тәжірибесі келесі талаптардың біріне сәйкес болуы тиіс:   
      1) мемлекеттік қызмет өтілі екі жылдан кем емес, оның ішінде мемлекеттік органның штат кестесінде көзделген келесі төменгі санаттағы лауазымдарда немесе А-4, B-4, C-4, C-O-5, C-R-2, D-4, D-O-4, Е-3, E-R-2 санаттарынан төмен емес лауазымдарда немесе «А» корпусының мемлекеттік әкімшілік лауазымдарында немесе саяси мемлекеттік лауазымдарда мемлекеттік қызмет өтілі бір жылдан кем емес;
      2) осы санаттағы нақты лауазымның функционалдық бағыттарына сәйкес салаларда үш жылдан кем емес, оның ішінде мемлекеттік органның штат кестесінде көзделген келесі төменгі санаттағы лауазымдарда немесе А-4, B-4, C-4, C-O-5, C-R-2, D-4, D-O-4, Е-3, E-R-2 санаттарынан төмен емес лауазымдарда немесе «А» корпусының мемлекеттік әкімшілік лауазымдарында немесе саяси мемлекеттік лауазымдарда мемлекеттік қызмет өтілі бір жылдан кем емес;
      3) А-4, B-4, C-4, C-O-5, C-R-2, D-4, D-O-4, Е-3, E-R-2 санаттарынан төмен емес мемлекеттік әкімшілік лауазымдарда немесе «А» корпусының мемлекеттік әкімшілік лауазымдарында немесе саяси мемлекеттік лауазымдарда немесе Қазақстан Республикасы Парламентінің депутаты мәртебесінде немесе тұрақты негізде қызмет ететін облыс, республикалық маңызы бар қала, астана, аудан (облыстық маңызы бар қала) мәслихатының депутаты мәртебесінде немесе халықаралық қызметкер мәртебесінде қызмет өтілі екі жылдан кем емес;
      4) мемлекеттік қызмет өтілі үш жылдан кем емес, оның ішінде орталық немесе облыстық деңгейдегі құқық қорғау органдарының орта басшы құрамынан немесе арнайы мемлекеттік органдардың кіші офицерлер құрамынан төмен емес немесе әскери атағында кіші офицерлер құрамынан төмен емес Қарулы Күштер әскери басқару органдарының тактикалық деңгейдегі, жергілікті әскери басқару органдарының немесе әскери оқу орындарының лауазымдарында екі жылдан кем емес;
       5) осы санаттағы нақты лауазымның функционалдық бағыттарына сәйкес салаларда жұмыс өтілі үш жылдан кем емес, оның ішінде басшылық лауазымдарда бір жылдан кем емес;*
      6) жоғары оқу орнынан кейінгі білім бағдарламалары бойынша Қазақстан Республикасы Президентінің жанындағы білім беру ұйымдарында мемлекеттік тапсырыс негізінде немесе шетелдің жоғары оқу орындарында Республикалық комиссия бекітетін басым мамандықтар бойынша оқуды аяқтауы;
      7) ғылыми дәрежесінің болуы.*
  Конкурсқа  қатысушыларға  қойылатын  жалпы  талаптар:
1) нақты мемлекеттік лауазымда кәсіби қызметін тиімді атқаруға қажетті құзыреттер бойынша талаптар;
2) тиісті санат үшін мемлекеттік әкімшілік лауазымдарына орналасуға кандидаттардың Қазақстан Республикасы Мемлекеттік қызмет істері министрлігімен анықталатын тестілеу бағдарламасына сәйкес Қазақстан Республикасының заңнамасын білу;
3) «Қазақстан – 2050» Стратегиясы: қалыптасқан мемлекеттің жаңа саяси бағыты стратегиясын, нақты лауазымның мамандануына сәйкес, облыстардағы қатынастарды реттейтін Қазақстан Республикасының нормативтік құқықтық актілерін білу;
4)  осы санаттағы лауазымдар бойынша функционалдық міндеттерді орындау үшін қажетті басқа да міндетті білімдер: қоғамдық-саяси саладағы қарым-қатынастарды  реттейтін Қазақстан Республикасының нормативті құқықтық актілерін білу.
Конкурсқа қатысу үшін қажетті құжаттар:
1) «Б» корпусының әкімшілік мемлекеттік лауазымына орналасуға конкурс өткізу Қағидаларға  2-қосымшаға сәйкес нысандағы өтініш;
          2) 3х4 үлгідегі суретпен осы Қағидаларға  3-қосымшаға сәйкес нысанда толтырылған сауалнама;
          3) бiлiмi туралы құжаттардың нотариалдық куәландырылған көшiрмелерi;
          4) еңбек қызметін растайтын құжаттың нотариалдық куәландырылған көшiрмесi;
          5) Қазақстан Республикасы Денсаулық сақтау министрінің міндетін атқарушының 2010 жылғы 23 қарашадағы № 907 бұйрығымен бекітілген (Нормативтік құқықтық актілерді мемлекеттік тіркеу тізілімінде 2010 жылы 21 желтоқсанда № 6697 болып тіркелген) нысандағы денсаулығы туралы анықтама;
          6) Қазақстан Республикасы азаматының жеке басын куәландыратын құжаттың көшірмесі;
          7) құжаттарды тапсыру сәтінде заңнаманы білуіне тестілеуден өткені туралы шекті мәннен төмен емес нәтижелері бар қолданыстағы сертификат (немесе нотариалдық куәландырылған көшірмесі);
          8) конкурсқа қатысу үшін құжаттарды тапсыру сәтінде уәкілетті органда жеке қасиеттерін бағалауды өту туралы қолданыстағы қорытынды (немесе қорытындының нотариалдық куәландырылған көшірмесі).
          «Б» корпусының әкімшілік мемлекеттік лауазымына орналасуға конкурс өткізу 3), 4), 7) және 8) тармақшаларында көрсетілген құжаттардың көшірмелерін ұсынуға рұқсат етіледі. Бұл ретте, персоналды басқару қызмет (кадр қызметі) құжаттардың көшірмелерін түпнұсқалармен салыстырып тексереді.
Егер азамат еңбек қызметін жүзеге асырмаған және конкурс жарияланған бос лауазым бойынша жұмыс өтілі талап етілмейтін жағдайларда еңбек қызметін растайтын құжаттардың көшірмелерін ұсыну талап етілмейді.
Құжаттардың толық емес пакетін ұсыну конкурс комиссиясының оларды қараудан бас тартуы үшін негіз болып табылады.
 Азаматтар бiлiмiне, жұмыс тәжiрибесiне, кәсiби деңгейіне және беделіне қатысты (бiлiктiлiгiн арттыру, ғылыми дәрежелер мен атақтар берiлуi туралы құжаттардың көшiрмелерi, мiнездемелер, ұсынымдар, ғылыми жарияланымдар және өзге де олардың кәсіби қызметін, біліктілігін сипаттайтын мәліметтер) қосымша ақпараттарды бере алады.
Жалпы конкурсқа қатысуға ниет білдірген азаматтар «Шығыс Қазақстан облысының денсаулық сақтау басқармасы» ММ құжаттарын қолма-қол тәртіпте, почта арқылы не хабарландыруда көрсетілген электрондық почта мекенжайына электронды түрде не «Е-gov» электронды Үкімет порталы арқылы құжаттарды қабылдау мерзімінде тапсырады. Конкурсқа қатысу үшін құжаттарды электронды түрде электрондық почта не «Е-gov» электронды Үкімет порталы арқылы берілген жағдайда азаматтар құжаттардың түпнұсқасын әңгімелесу басталғанға дейін бір жұмыс күн бұрын кешіктірілмей береді. Оларды бермеген жағдайда тұлға конкурс комиссиясымен әңгімелесуден өтуге жіберілмейді.
Азаматтар конкурсқа қатысу шығындарын (әңгімелесу өтетiн жерге келу және қайту, тұратын жер жалдау, байланыс қызметiнiң барлық түрлерiн пайдалану) өздерiнiң жеке қаражаттары есебiнен жүргiзедi.
Құжаттарды қабылдау мерзiмi жалпы конкурс өткiзу туралы хабарландыру уәкілетті органның ресми сайтында соңғы жарияланған күнінен бастап 7 жұмыс күннің ішінде тапсырылуы тиіс.
Әңгімелесуге жіберілген кандидаттар оны «Шығыс Қазақстан облысының денсаулық сақтау басқармасы» ММ әңгімелесуге жіберу туралы кандидаттар хабарландырылған күннен бастап 3 (бес) жұмыс күні ішінде өтеді.
Жұмыстың айқындылығын қамтамасыз ету үшін конкурстық комиссиясының отырысына қадағалаушылар шақырылады.
Қазақстан Республикасының Парламент депутаттары және барлық деңгейдегі мәслихат өкілдері, ақпарат құралдар өкілдері, аккредиттік тәртіпте, Қазақстан Республикасының заңымен белгіленген тәртіпте, басқа мемлекеттік органдар,біріккен қоғамдық (үкіметтік емес ұйымдар), коммерциялық ұйымдар және саяси партиялар, уәкілеттік органдардың қызметкерлері конкурстық комиссиясы отырысының қадағалаушылары ретінде қатыса алады.
Конкурс комиссиясының шешімі қабылданған күннен бастап бес жұмыс күн ішінде конкурсқа қатысушылар мен кандидаттар уәкiлеттi органға немесе оның аумақтық бөлiмшесiне, не Қазақстан Республикасының заңнамасына сәйкес сот тәртiбiнде конкурс комиссиясының шешiмiне шағымдана алады.
Жалпы конкурс Қазақстан Республикасының Мемлекеттік қызмет істері министрінің 2015 жылғы 29 желтоқсандағы № 12 бұйрығымен бекітілген «Б» корпусының әкімшілік мемлекеттік лауазымына орналасуға конкурс өткізу қағидалары негізінде жүргізіледі.
Анықтама телефоны: 8-/7232/52-32-33, e-mail: densaulyk@akimvo.gov.kz

 

Пікір үстеу

Э-пошта мекенжайыңыз жарияланбайды. Міндетті өрістер * таңбаланған